Главная страница

Учуутал үрдүк аатыгар анаммыт киэһэ


Скачать 138,33 Kb.
НазваниеУчуутал үрдүк аатыгар анаммыт киэһэ
Дата02.12.2016
Размер138,33 Kb.
ТипДокументы
1. /News34.docУчуутал үрдүк аатыгар анаммыт киэһэ

Учуутал үрдүк аатыгар анаммыт киэһэ

Бу күннэргэ республика араас муннугар Учуутал сылын түмүктүүр тэрээһиннэр буоллулар. Оттон биһиэхэ, А.Е.Слепцов аатынан Абый орто оскуолатын учууталларыгар, олохтоох нэһилиэк администрацията ороһуоспа күнүгэр кэрэ бэлэҕи уунна.

Учуутал урдук аатыгар анаммыт киэһэни МТ «Абый нэһилиэгин» дьаһалтатын баһылыга, Саха республикатын үтүөлээх учуутала, Российскай Федерация үөрэҕириитин туйгуна, улуус бочуоттаах олохтооҕо Томская Анна Афанасьевна, олохтоох кулууп сэбиэдиссэйэ, үөрэппит оҕобут Слепцова Светлана Васильевна, дьаһалта специалиһа Григорьева Ньургуяна Григорьевна иилээн-саҕалаан ыыттылар.

Бу күн оҕо иитиитигэр үлэлиир дьон – оҕо саадын иитээччилэрэ, эдэр, ветеран учууталлар,- бука бары чиэстэннилэр. Нэһилиэкпит баһылыга хас биирдии учууталга анаан сакаастаан онотторбут Чуораанчыга уонна саха маастардара онорбут сувенирдара соһуччу бэлэх буолла. Кэрэни кэрэһэлиир, кэскиллээҕи түстүүр, кэнчээри оҕо туһугар үлэлиир сайаҕас санаалаах бэтэрээн иитээччилэргэ Слепцова Любовь Гаврильевнаҕа, Чиркова Акулина Дмитриевнаҕа дьааһыла – сад коллектива өйдөбүнньүк брошюра кинигэлэри, бэлэхтэри туттарда.

Үөрэх миниистирэ Владимиров А.С. аатыттан Бочуотунай грамотанан, Махтал суруктарынан иитээччилэр Черемкина Е.Е., Черемкина Л.В., учууталлар Афанасьева А.В., Садовникова И.Н., Томскай Т.А, Слепцова Т.И. наҕараадаланнылар. Үөрэх салаатыгар директор солбуйааччыта Эверстова Л.А. СР Үөрэҕириитин туйгуна бэлиэнэн наҕараадаламмытын иһитиннэрдэ.

Урукку ааспыт кэмнэргэ үтүө суобастаахтык үлэлээбит, айбыт-туппут дьон аатынан номинациялары бэлиэ күннэргэ туттарыы үтүө үгэскэ кубулуйда. Бу күн үгүс дьон өйүгэр- санаатыгар үтүө өйдөбүлү хаалларбыт учуутал Никонов Василий Дмитриевич аатынан номинацияны кыыһа Анастасия Васильевна СР үөрэҕириитин туйгунугар Стручкова Маргарита Ивановнаҕа туттарда, алын кылаас учууталынан үлэлээбит, оскуолабыт выпускницата Простакова Матрена Дмитриевна бэйэтин анал номинациятын алын кылаас учууталыгар Никонова Ирина Васильевнаҕа анаата.

Нэһилиэкпит общественнай оло5ор, социальнай- экономическай сайдыытыгар утумнаахтык , кэскиллээхтик үлэлии сылдьарын иһин, РФ уопсай үөрхтээһинин бочуоттаах улэһитигэр, СР үөрэҕириитин туйгунугар, Саха Азия норуоттар икки ардыларынааҕы фонда стипендиатыгар , улуус мунньаҕын депутатыгар, оскуола директорыгар Бережнова Р.В. Абый нэһилиэгин Бочуоттаах олохтооҕо үрдүк аат инэрилиннэ.

Салгыы эҕэрдэ кэнсиэри, оскуолабыт выпускниктара, көхтөөх ыччаттар Анатолий Стручков, үрдүк үөрэҕи сана бүтэрэн төрөөбүт улууһугар үлэлии сылдьар эдэр журналист Кристина Слепцова ыыттылар.

Абый нэһилиэгэр Учуутал сыла үөрүүлээхтик түмүктэннэ. Бары учууталлар, иитээччилэр ааттарыттан олохтоох дьаһалта баһылыгар Томская Анна Афанасьевнаҕа, кулууп директорыгар Слепцова Светлана Васильевнаҕа, ыччат тумсуутугэр (лидер Павлова З.Ю.), студеннарга уонна үөрэнээччилэргэ махтал тылларын этэбит. Эһиэхэ үлэҕэ-үөрэххэ үрдүк ситиһиилэри, сана үүммүт 2011 сыл өссө элбэх үөрүүнү, дьолу-соргуну, доруобуйаны, үтүөнү-кэрэни аҕаллын.

Абый орто оскуолатын педколлектива.